بہار میں بی جے پی کو شکست دینے کے لئے ایک عظیم اتحاد بنام ‘‘ عظیم تر
سکیولر اتحاد ‘‘ تشکیل پایا۔ لیکن کیا آپ کو معلوم ہے کہ اس اتحاد میں بھی
اب اتحاد نہیں رہا ۔ کیونکہ کل منعقد ہونے والے راہول گاندھی کے جلسہ عام
میں ادھر سے جنتا دل یو کے نتیش کمار چیف منسٹر ‘ ادھر سے لالو پرساد یادو
دونوں کے دونوں شرکت نہیں کر رہے ہیں۔ جبکہ اس اتحاد کا یہ اہم جلسہ کہا
جا سکتا ہے۔ تاہم لالو پرساد یادو نے کہا کہ اس جلسہ میں انکے فرزند
تیجسوی ‘ اور جدیو سے کے سی تیاگی شرکت کر رہے ہیں۔ تاہم اس عظیم تر سکیولر
اتحاد میں یکسانیت نہیں دیکھی جا رہی ہے۔ کیونکہ اس اتحاد کے اہم لیڈر
ملائم سنگھ یادو نے نہ صرف اس اتحاد سے ہٹ کر ایک عظیم نقصان پہونچا یا
بلکہ انہوں نے بہار انتخابات میں تیسرے محاذ کو تشکیل دیتے ہوئے اس اتحاد
کو بہت بڑا دھکا دیا ۔